U21 – МАКЕДОНИЈА ПРОТИВ ШВЕДСКА НА СТАДИОНОТ „ПЕТАР МИЛОШЕВСКИ“ ВО БИТОЛА

Стадионот „Петар Милошевски“ во Битола денес повторно ќе биде центар на фудбалската енергија, кога младата фудбалска репрезентација на Македонија до 21 година ќе ги одмери силите со селекцијата на Шведска. Натпреварот, кој е дел од квалификациите за пласман на Европското првенство 2027, ќе започне во 17:00 часот.

Ова е последниот натпревар од првиот круг на квалификациите, а „рисовите“ ќе имаат силна поддршка од домашната публика на новиот модерен стадион кој, по последната инспекција на Европската фудбалска унија (УЕФА), доби лиценца од втора категорија. Тоа му овозможи на стадионот во изминатите два месеци да биде домаќин на дури два значајни меѓународни натпревари.