Општина Кривогаштани достигнува значајни резултати во унапредување на транспарентноста и локалниот развој
Општина Кривогаштани со значајни резултати во унапредувањето на транспарентноста и локалниот развој со поддршка од USAID North Macedonia преку проектот Strengthening Resource Mobilization Activity- North Macedonia.
Проектот на USAID North Macedonia за зајакнување на капацитетите за искористување на ресурсите, спроведен во соработка со Општина Кривогаштани, има значајно влијание на подобрувањето на локалното управување, транспарентноста и економскиот развој. Клучните достигнувања на проектот вклучуваат:
- Подготовка на извештај за унапредување на организациските капацитети за администрирање на локалните даноци, кој дава препораки за подобрување на даночната администрација и зголемување на ефикасноста.
- Едукативна кампања „Мој данок за мојата општина“, која беше спроведена за информирање на граѓаните за важноста на данокот на имот и неговата поврзаност со локалниот развој. Кампањата беше објавена на веб-страницата на општината.
- Зголемување на индексот на даночна транспарентност на 46% за периодот 2023-2024, што претставува значителен напредок во споредба со 17% во 2022-2023.
- Подобрување на буџетската транспарентност, со индекс од 15 индексни поени (од можни 16), што е значително подобрување во споредба со претходната година.
- Подобрена информираност за надлежностите на општината преку кампањата „Општина на дланка“, која беше објавена на веб-страницата на општината и овозможи поголема достапност на важни информации за граѓаните.
- Зголемена активна транспарентност на општината на 73.9% во 2024 година, што претставува значителен напредок во однос на претходната година.
- Подготвен и објавен Граѓански буџет за 2024, достапен на веб-страницата на општината, за да се овозможи поголема транспарентност во трошењето на јавните средства.
- Објавување индикатори за јавни набавки за 2023 година и апстракт од конечни извештаи од внатрешна ревизија, што дополнително ја зголемува транспарентноста на процесите во општината.
- Развој на модел за бизнис информатор, како и редовно информирање за отворени повици за проекти, што го олеснува пристапот на бизнисите до информации за можности за соработка и инвестиции.
- Изработка на План за локален економски развој, кој е достапен за јавноста и дава насоки за идниот економски раст и развој на општината.
- Извршена Урбана ревизија според официјалната методологија, со цел да се обезбеди поефикасно и одржливо урбанистичко планирање.
- Основан Локален економско-социјален совет, кој ќе игра клучна улога во унапредувањето на соработката меѓу општината, стопанството и граѓанскиот сектор.
Овие активности имаат за цел да ја зголемат ефикасноста на општината во управувањето со ресурсите, да ја подобрат транспарентноста и да го стимулираат економскиот развој во регионот. Проектот на USAID North Macedonia продолжува да има значителен позитивен ефект на локалните капацитети и квалитетот на услугите за граѓаните.
Достигнувањата се резултат на заедничките напори на општината и Проектот за создавање поефикасни, потранспарентни и одговорни локални самоуправи, кои ќе одговорат на потребите на граѓаните.
