ХУМАНИТАРЕН КОНЦЕРТ „СИТЕ ЗА МИХО“ НА 16 НОЕМВРИ ВО ПРИЛЕП
Хуманитарен концерт под мотото „Сите за Михо“ ќе се одржи на 16 ноември, со почеток во 19:00 часот, во НУЦК „Марко Цепенков“ во Прилеп.
Концертот се организира со цел да се соберат средства за Михо, а организаторите упатуваат повик за поддршка и хуманост, со порака: „За неговото утре, за неговата насмевка“.
На сцената ќе настапат The Hounds, Алекса Петрески, Libero Band и Димитар Андоновски.
Влезниците чинат 250 денари, а можат да се набават во La Piazza, Caffe C4, Hive Cafe и The Story Coffee.
Организаторите повикуваат граѓаните да се приклучат на хуманитарната иницијатива и преку своето присуство да дадат придонес за Михо.
