Годишен концерт на ООМУ „Ордан Михајлоски – Оцка“ од Прилеп
Љубителите на музиката и уметноста годинава повторно ќе имаат можност да уживаат во талентот на младите музичари од ООМУ „Ордан Михајлоски – Оцка“. Традиционалниот Годишен концерт на училиштето ќе се одржи во понеделник, 2 јуни 2025 година, во големата сала на Домот на култура „Марко Цепенков“ во Прилеп, со почеток во 19:00 часот. Концертот претставува кулминација на целогодишната работа на учениците и нивните ментори, кои со посветеност и љубов кон музиката ќе се претстават со богата и разновидна програма. Настанот е отворен за јавноста и има за цел да го поттикне музичкото образование, да ги афирмира младите музички таленти и да ја збогати културната понуда на градот.
