Грција ги заострува правилата: Забрани и казни за „дивите“ плажи

Министерството за економија на Грција неодамна суспендира три нелегални плажи поради неправилно поставени лежалки и работа без потребните дозволи.

Официјалните лица разгледаа над 1.000 жалби од јавноста за прекумерен туризам на дестинации како Крф, Халкидики и регионот Атика, со цел да се спречат натрупувањата на плажите.

Минатата година Грција ја посетиле рекордни 33 милиони туристи, што е зголемување од пет милиони во споредба со 2022 година.

Дронови надгледуваат во Атина, додека сателитски снимки и апликацијата „MiCoast“ им овозможуваат на луѓето да ги споделат своите искуства или да поднесат жалби.

Граѓаните исто така можат да пријават незаконско окупирање на плажите преку земјишниот регистар.

Според новите правила од март, чадорите и лежалките мора да бидат најмалку четири метри одалечени од морето. На плажите со помалку од четири метри песок не е дозволено изнајмување.

Казните, главно за неправилно поставени лежалки и чадори, достигнаа 350.000 евра во рок од пет дена.

Акцијата на владата следува по протестите на локалното население на островот Парос, кои бараат слободен пристап до морскиот брег.

Протестирачите го осудија користењето на многу плажи од страна на бизниси кои изнајмуваат чадори и лежалки по високи цени.

„Целта ни е да ја заштитиме животната средина и правото на граѓаните на слободен пристап до плажите, како и да го зачуваме нашиот туристички производ и здравото претприемништво,“ изјави министерот за економија Костис Хацидакис.

Во наредните денови, дронови ќе патролираат над островите Киклади и Додеканези за да се откријат можни прекршувања.