Во Германска болница значителен дел од медицинскиот персонал го сочинуваат македонски доктори !

На 17 февруари 2025 година, амбасадорот на Северна Македонија во Германија, Илбер Села, придружуван од првиот секретар на амбасадата, Румена Нестороска, ја посети престижната Рон клиника во Бад Нојштад. Оваа посета претставуваше значаен настан за македонската медицинска заедница во Германија, имајќи предвид дека во клиниката работи високо квалификуван тим од македонски лекари.

Рон клиниката е позната по својот современ медицински пристап и високи стандарди во здравствената нега, со капацитет од околу 800 болнички кревети. Посебна гордост за македонската дијаспора претставува фактот дека значителен дел од медицинскиот персонал го сочинуваат македонски доктори – кардиолози, кардиохирурзи, невролози, психијатри, пулмолози и анестезиолози.

Делегацијата беше топло пречекана од медицинскиот тим предводен од Д-р Горан Трајковски, кардиолог и директор во Центарот за медицинска нега во Бад Нојштад. Во рамките на посетата, македонските лекари изразија желба за натамошна соработка со матичната земја во областа на медицината и размена на искуства.

Амбасадата на Северна Македонија упати голема благодарност до македонските доктори кои со својот професионализам и експертиза ја претставуваат земјата во најдобро светло. Посебни признанија беа упатени до:

Д-р Горан Трајковски – кардиолог и директор во Центарот за медицинска нега во Бад Нојштад

Д-р Емилија Јовановска Трајковска – психијатар и виш лекар во психосоматска клиника

Д-р Томе Ристов – кардиолог и виш лекар на клиниката за кардиологија

Д-р Лепосава Михајлоска – кардиолог и виш лекар на клиниката за кардиологија

Д-р Ирена Кирова – невролог и виш лекар на клиниката за неврологија

Д-р Гордана Трајчова Митреска – виш лекар на клиниката за анестезиологија

Д-р Кирил Долдуров – кардиохирург и виш лекар на клиниката за кардиоваскуларни болести

Д-р Даниел Арсовски – невролог и виш лекар на невролошката клиника

Д-р Горан Ѓоргиев – невролог и специјалист на клиниката за неврологија

Д-р Натали Николоска – асистент доктор на клиниката за неврологија

Д-р Теа Михајлова – асистент доктор

Д-р Христина Рибарска – асистент доктор на клиниката за анестезиологија

Д-р Николина Димкова – асистент доктор во психосоматска клиника

Исто така, беше нагласена важноста на македонските доктори кои, иако не беа присутни на средбата, се дел од раководниот тим на Рон клиниката:

Д-р Атанас Јанкуловски – кардиохирург, виш лекар на Клиниката за кардиоваскуларни болести

Д-р Ѓоко Кучиноски – кардиохирург, специјалист на клиниката за кардиоваскуларни болести

Д-р Татјана Дејкоска – анестезиолог, специјалист на Клиниката за анестезиологија

Д-р Марија Ломан – доктор во психосоматска клиника

Д-р Маја Арсова – доктор во психосоматска клиника

Д-р Анита Дукоска Иваноска – пулмолог, специјалист во торакален центар Минерштат

Посетата на амбасадорот Села ја потенцираше значајната улога на македонските медицински професионалци во Германија, како и можностите за идно поврзување и соработка во областа на здравството. Оваа иницијатива отвора пат за размена на знаења, искуства и медицински иновации меѓу двете земји.