ГОЛ ПОД РЕФЛЕКТОРИ – ЦЕЛА БИТОЛА ВОЗБУДЕНА

ФК ПЕЛИСТЕР СО ПОБЕДА НА ПРВИОТ НАТПРЕВАР ПОД РЕФЛЕКТОРИ ИМ ГО ЧЕСТИТА НА БИТОЛЧАНИ ПРАЗНИКОТ НА ГРАДОТ

Во прекрасна навивачка и спортска атмосфера, синоќа за првпат светнаа рефлекторите на стадионот „Петар Милошевски“, каде што шестилјадната публика имаше можност да го следи дербито помеѓу вечните ривали Пелистер – Вардар, во кое победа славеше Пелистер со голот на Мирко Ивановски во 92 минута.

Ова историско дерби, донесе голема радост за битолчани и верните навивачи кои се радуваа во еден глас, а фудбалерите на ФК Пелистер, со победа на првиот ноќен натпревар им го честитаа празникот „4 ти Ноември“.