„Спомени од минатиот век“ – концерт на дуото Михаил Јагуриноски и Искра Атанасова – Митуш во Прилеп

Љубителите на класичната и џез музиката утревечер ќе имаат можност да уживаат во концертот „Спомени од минатиот век“, во изведба на пијанистите Михаил Јагуриноски и Искра Атанасова – Митуш.

Преку виртуозната изведба на пијано, публиката ќе се наврати на музичките ремек-дела на двајца великани на 20 век – рускиот композитор Сергеј Рахмањинов и легендата на џезот Џорџ Гершвин.

Концертот ќе се одржи во фоајето на НУЦК „Марко Цепенков“ – Прилеп, во понеделник, 29 јуни, со почеток во 20:00 часот.

Влезот е бесплатен.