150 ученици од Општина Новаци бесплатно ќе престојуваат на Пелистер

По повеќегодишен прекин, повторно се враќа една од најубавите традиции за учениците од Општина Новаци – „Зелените денови“ на Пелистер. Благодарение на иницијативата и заложбите на Општина Новаци и градоначалникот Стевче Стевановски, како и на поддршката од АД ЕСМ, РЕК Битола и ЕСМ Молика, оваа година вкупно 150 ученици од ЦОУ „Славко Лумбарковски“ ќе имаат можност бесплатно да престојуваат во хотелот „Молика“ на Пелистер.

Станува збор за ученици од прво до деветто одделение кои ќе бидат поделени во две групи, а за време на престојот ќе уживаат во чистиот планински воздух, природните убавини на Националниот парк Пелистер, како и во бројни едукативни, спортски и рекреативни активности.

Денес беше испратена првата група од 75 ученици, додека втората група наскоро ќе замине на Пелистер. При испраќањето, градоначалникот Стевановски им посака убав престој, многу дружење и незаборавни моменти, истакнувајќи дека децата заслужуваат можности за квалитетно поминато време во природа и стекнување нови искуства надвор од училниците.

Возобновувањето на оваа иницијатива претставува значаен чекор за локалната заедница, особено затоа што многу генерации ученици од Новаци низ годините биле дел од оваа програма и носат убави спомени од престојот на Пелистер. По долг период на прекин, „Зелените денови“ повторно стануваат реалност за најмладите жители на општината.

Преку ваквите активности, учениците не само што ќе поминат неколку денови во здрава животна средина, туку ќе имаат можност да создадат нови пријателства, да развиваат тимски дух и да стекнат навики за здрав живот. Воедно, ова е пример како успешната соработка меѓу локалната самоуправа, јавните претпријатија и општествено одговорните компании може да донесе директна корист за децата и нивниот развој.

Со враќањето на „Зелените денови“, Општина Новаци испраќа порака дека инвестицијата во младите генерации останува еден од нејзините н