Закажана 9. седница на Советот на Општина Прилеп
Во петок 9-та седница на Советот на Општина Прилеп – фокус на буџетот и нови управни и надзорни одбори
Советот на Општина Прилеп во петок, на 6 февруари 2026 година, со почеток во 10 часот, ќе ја одржи својата 9-та редовна седница во големата сала на Општината.
На дневен ред се вкупно 15 точки, меѓу кои се финансиски извештаи за 2025 година, проширување на буџетот за 2026, како и серија одлуки за распишување јавни повици и формирање комисии за избор на членови во управни и надзорни одбори на повеќе јавни претпријатија.
Посебен акцент ќе има на:
- ЈКП „Водовод и канализација“
- ЈКП „Комуналец“
- ЈП за ПУП
- ЈП „Енерго-Прилеп“
- ЈСП „Прилеп“
Со ова практично се отвора процесот за кадровско редефинирање на управувањето во најважните јавни претпријатија во градот, што ја прави оваа седница една од поклучните од почетокот на годината.
Седницата е јавна.
Д Н Е В Е Н Р Е Д
- Предлог-Извештај од извршен попис на финансиски средства и ситен инвентар за 2025 година и предлог за отпис на ненаплатливи побарувања и материјали.
- Предлог-Квартален извештај за извршување на Буџетот на Општина Прилеп за четвртиот квартал од 2025 година.
- Предлог-Одлука за проширување на средствата на Буџетот на Општина Прилеп за 2026 година.
- Предлог-Одлука за распишување Јавен повик за избор на член во Надзорен одбор за контрола на материјално-финансиското работење на ЈКП „Водовод и канализација“ – Прилеп.
- Предлог-Решение за формирање Комисија за селекција по јавен повик за избор на член во Надзорниот одбор на ЈКП „Водовод и канализација“ – Прилеп.
- Предлог-Одлука за распишување Јавен повик за избор на член во Управниот одбор на ЈКП „Комуналец“ – Прилеп.
- Предлог-Решение за формирање Комисија за селекција за избор на член во Управниот одбор на ЈКП „Комуналец“ – Прилеп.
- Предлог-Одлука за распишување Јавен повик за избор на член во Управниот одбор на ЈП за ПУП – Прилеп.
- Предлог-Решение за формирање Комисија за селекција за избор на член во Управниот одбор на ЈП за ПУП – Прилеп.
- Предлог-Одлука за распишување Јавен повик за избор на членови во Управниот одбор на ЈП за енергетски дејности „Енерго-Прилеп“.
- Предлог-Решение за формирање Комисија за селекција за избор на членови во Управниот одбор на „Енерго-Прилеп“.
- Предлог-Одлука за распишување Јавен повик за избор на член во Надзорниот одбор за контрола на материјално-финансиското работење на ЈП „Енерго-Прилеп“.
- Предлог-Решение за формирање Комисија за селекција за избор на член во Надзорниот одбор на „Енерго-Прилеп“.
- Предлог-Одлука за распишување Јавен повик за избор на членови во Управниот одбор на ЈСП „Прилеп“.
- Предлог-Решение за формирање Комисија за селекција за избор на членови во Управниот одбор на ЈСП „Прилеп“.
