Прв турнир во забрзан шах „КРУШЕВО 2025”
Во недела, на 13 април 2025 година, во просториите на Пензионерскиот дом во Крушево ќе се одржи првиот турнир во забрзан шах под наслов „Крушево 2025“. Настанот го организираат Општина Крушево и Шаховскиот клуб Прилеп, а истиот има за цел да ги поттикне шаховските активности и да ја зајакне регионалната соработка помеѓу шахистите од Пелагонискиот регион.
Право на учество имаат сите играчи со ФИДЕ код од регионот, додека оние без код ќе треба да достават лични податоци и да уплатат дополнителна котизација за регистрација. Бројот на учесници е ограничен, а пријавите се примаат до 11 април.
Турнирот ќе се игра по Швајцарски систем во 9 кола, според правилата на ФИДЕ за „рапид“ шах. Темпото на игра ќе биде 15 минути плус 5 секунди додаток за секој потег. Според распоредот, турнирот ќе започне со регистрација од 09:00 часот, а ќе трае до 17:00 часот кога е предвидена церемонијата на затворање.
Организаторите обезбедуваат шаховски комплети за сите учесници, како и освежителни пијалоци и кафе во текот на настанот. Списокот на регистрирани шахисти ќе биде јавно објавен на меѓународниот шаховски портал chess-results.com.
Наградниот фонд изнесува 32.000 денари и ќе биде распределен на шест категории, од кои првонаградениот ќе добие 10.000 денари, а посебна награда од 3.000 денари е предвидена и за најдобриот учесник од Општина Крушево.
Награден фонд: 32.000 денари
- 10.000 денари
- 7.000 денари
- 5.000 денари
- 4.000 денари
- 3.000 денари
- Најдобар играч од Општина Крушево – 3.000 денари
Заинтересираните шахисти можат да се пријават на e-mail адресата tonisah@t.mk или на телефонскиот број 072 932 136.
Со овој турнир, Крушево прави значаен чекор кон афирмација на шахот како спорт кој ги поврзува генерациите и ги зацврстува интелектуалните вредности во локалната заедница.
