|

Отворени јавни повици за управни и надзорни одбори во јавни претпријатија во Прилеп

Hours

Општина Прилеп објави повеќе јавни повици за пројавување на интерес и пријавување на кандидати за избор на членови во Управни и Надзорни одбори на локалните јавни претпријатија, со цел унапредување на управувањето, контролата и транспарентноста во нивното работење.



Според огласната табла на Општината, јавните повици се однесуваат на следните претпријатија:

Надзорни одбори

  • ЈП за патен превоз (ЈПП) Прилеп
  • ЈКП „Водовод и канализација“ – Прилеп
  • ЈП „ЕНЕРГО Прилеп“

За овие позиции се бараат кандидати кои ќе вршат контрола на материјално-финансиското работење, ќе го следат законското работење на претпријатијата и ќе даваат мислења и препораки до Советот на Општина Прилеп.

Управни одбори

  • ЈП „ЕНЕРГО Прилеп“
  • ЈСП Прилеп
  • ЈКП „Комуналец“ – Прилеп

Членовите на управните одбори ќе имаат клучна улога во:

  • носење одлуки за работа и развој,
  • усвојување програми и финансиски планови,
  • следење на ефикасноста и квалитетот на услугите кон граѓаните.

Услови за кандидатите

Кандидатите треба да:

  • имаат високо образование (најмалку 240 ЕКТС),
  • поседуваат минимум пет години работно искуство,
  • не се во судир на интереси,
  • да не се осудувани и да исполнуваат законски критериуми…

Сите заинтересирани граѓани можат да аплицираат со доставување на потребната документација во архивата на Општина Прилеп или по пошта, во рокот наведен во секој поединечен јавен повик.

Повеќе за повиците на https://www.prilep.gov.mk/category/oglasna-tabla

Слични Објави