Општина Ресен објави интерен оглас за унапредување на административни службеници

Општина Ресен денеска објави Интерен оглас број 1 за унапредување на административни службеници на повеќе раководни и советнички позиции во рамки на општинската администрација.

Според објавениот оглас, предвидено е унапредување за следните работни места:

• Раководител на одделение за животна средина и управување со отпад во Секторот за животна средина,
• Советник – Организатор на активностите на Градоначалникот во Одделението за општи работи при Секторот за управување со човечки ресурси и општи работи,
• Виш соработник за обуки и персонална евиденција во Одделението за управување со човечки ресурси,
• како и за позицијата Раководител на сектор за управување со човечки ресурси и општи работи.

Сите позиции се наменети за внатрешно унапредување на веќе вработени административни службеници, кои ги исполнуваат условите за напредување согласно законската регулатива за вработените во јавниот сектор.

Целта на интерниот оглас е да се зајакне организациската структура на Општината преку избор на кадар кој веќе поседува релевантно искуство и знаење за потребите на локалната самоуправа.

Заинтересираните службеници ќе имаат можност да аплицираат согласно утврдената постапка и критериуми, а крајниот избор ќе се изврши врз основа на професионалните квалитети, работното искуство и резултатите постигнати на досегашното работно место.

Општина Ресен нагласува дека овој процес е дел од континуираните напори за подобрување на ефикасноста и транспарентноста на административното работење во интерес на граѓаните.

Фото – Википедија

Повеќе информации на линкот