Од полноќ повисоки цени на горивата
Регулаторната комисија за енергетика донесе нова одлука за малопродажните цени на нафтените деривати, која стапува на сила од вечерва на полноќ.
Согласно одлуката, цената на ЕУРОСУПЕР БС-95 се зголемува за 3,00 денари по литар и ќе изнесува 93,00 денари за литар, додека ЕУРОСУПЕР БС-98 исто така поскапува за 3,00 денари и ќе се продава по 95,00 денари за литар.
Најголемо поскапување има кај ЕУРОДИЗЕЛ (Д-Е V), чија цена се зголемува за 4,50 денари по литар, па новата цена ќе биде 98,50 денари за литар.
Цената на екстра лесното масло за домаќинство (ЕЛ-1) се зголемува за 5,00 денари по литар, со што од полноќ ќе изнесува 98,00 денари за литар.
Зголемување има и кај мазутот М-1 НС, чија цена се зголемува за 2,726 денари по килограм.
