Најавен турнирот во мал фудбал „Св. Никола 2025“
Со официјално соопштение, организаторите го најавија најновото издание на традиционалниот турнир во мал фудбал „Св. Никола 2025“, кој оваа година ќе се одржи од 12 до 28 декември во спортската сала на СОУ „Ристе Ристески Ричко“.
Турнирот, кој важи за едно од најпосетените спортски случувања во општината, и оваа година ќе понуди атрактивни натпревари и богати награди. За најуспешните екипи се предвидени парични награди во вредност од 300.000 денари за првото место, 180.000 денари за второто и 70.000 денари за третопласираните.
Организаторите исто така ја објавија котизацијата за учество: сениорските екипи ќе треба да уплатат 10.000 денари, додека пионерските тимови – составени од млади фудбалери родени меѓу 2013 и 2018 година – ќе учествуваат со симболична котизација од 3.000 денари.
Пријавувањето за турнирот започнува утре и ќе трае до 10 декември 2025 година. Сите заинтересирани екипи можат да се регистрираат преку контакт телефоните 078 247 935 и 077 654 805.
Организаторите очекуваат голем интерес и велат дека ова издание ќе понуди уште поголем спортски дух, фер игра и богата публика, најавувајќи вистински спортски спектакл во пресрет на празникот Св. Никола.
