Кажете го своето мислење: Каков транспорт му треба на Прилеп?- ПРАШАЛНИК ЗА ИЗРАБОТКА НА ПЛАН ЗА ОДРЖЛИВА УРБАНА МОБИЛНОСТ –
Општина Прилеп во координација со Министерството за транспорт е во фаза на изработка на План за одржлива урбана мобилност (Susteinable Urban Mibility Plan – SUMP), чии резултати во иднина ќе придонесат во подобрување на пристапноста, промовирање на здравјето и безбедноста на граѓаните, поддршка на економскиот раст и ублажување на влијанијата врз животната средина.
Сето ова ќе се постигне преку подобрување на патната инфраструктура, промовирање на одржливи начини на транспорт и усвојување на иницијативи со ниска содржина на јаглерод, насочени кон намалување на емисиите и оптимизирање на протокот на сообраќај, што за градот Прилеп ќе биде од големо значење.
Овој план има за цел да придонесе кон:
- подобрување на пристапноста и мобилноста за сите граѓани,
- поддршка на економскиот раст преку поефикасна патна инфраструктура,
- намалување на загадувањето и емисиите на CO₂,
- како и промоција на здрави и активни начини на движење, како пешачење и возење велосипед.
„SUMP не е само технички документ, туку визија за развој на Прилеп како модерен, одржлив и инклузивен град. Потребни ни се мислењата, потребите и искуствата на граѓаните, за да го дефинираме вистинскиот правец,“ велат од Општина Прилеп.
Во таа насока, општината ги повикува сите жители да одвојат неколку минути и да учествуваат во пополнување на анкета за мобилност, која ќе помогне во мапирање на постојните проблеми, навики и предлози поврзани со движењето низ градот.
