Извидничкиот одред „Феникс“ слави 10 години постоење
„Еднаш извидник – засекогаш извидник!“ Ова мото ги обединува членовите на извидничкиот одред „Феникс“ од Прилеп, кој веќе една деценија е дел од извидничкото семејство. Со бројни активности, дружења, натпреварувања и акции низ целата земја, „Феникс“ изгради препознатливо име во извидничкиот свет.
Во изминатите десет години, одредот не само што го зацврсти своето место под извидничкото „сонце“, туку и активно работеше на едукација на младите, влевајќи им вредности како одговорност, искреност и чесност. Со посветеност и ентузијазам, „Феникс“ продолжува да ја негува извидничката традиција, оставајќи значаен белег во заедницата.
