Македонскиот боксер Ален Рустемовски триумфираше на Меѓународниот боксерски турнир „Мустафа Хајрулаховиќ – Талијан“ во Сараево, освојувајќи го златниот медал во категоријата до 60 килограми.

Рустемовски до највисокото место на победничкиот пиедестал стигна со две убедливи победи. Во полуфиналето беше подобар од Муатез Бахагра од Алжир, кого го совлада со едногласна судиска одлука (5-0), а во големото финале доминираше и против јапонскиот боксер Харада Шудаи, исто така победувајќи со максимални 5-0.

Со сигурните настапи и убедливите победи, Рустемовски уште еднаш потврди дека се наоѓа во одлична форма и дека е еден од најперспективните македонски боксери на меѓународната сцена.

На годинашното издание на турнирот „Мустафа Хајрулаховиќ – Талијан“ учествуваа околу 120 боксери од 20 земји, што дополнително го нагласува значењето на освоениот златен медал.

Резултати на Ален Рустемовски (60 кг):

• Полуфинале: Ален Рустемовски – Муатез Бахагра (Алжир) 5-0
• Финале: Ален Рустемовски – Харада Шудаи (Јапонија) 5-0

Фото ФБ Alen Rustemovski