3 000 денари месечно за секој ученик од општина Крушево запишан во средното општинско училиште

“Во интерес на децата, на младите, на родителите, за нас, за нашето Крушево најавивме мерка и истата ја спроведуваме почнувајќи од оваа учебна година – 3 000 денари месечно за секој ученик од општина Крушево запишан во средното општинско училиште… До советот предложив, а советниците ги поддржаа мерките за поддршка на младите родители и мотивирање на учениците да продолжат со учење тука, во својот дом, во својата општина. За да ги поддржиме учениците, за да придонесеме за еднаков пристап до образование и да ги мотивираме да се запишат средно образование во Крушево донесовме одлука за 3 000 денари месечна финансиска директна поддршка за сите ученици од општина Крушево запишани во СОУ Наум Наумовски Борче Крушево. Учениците ќе ја добиваат финансиската поддршка во период од 9 месеци, односно до завршува на прва година образование тука. Оваа мерка важи за сите ученици од нашата општина запишани во СОУ Наум Наумоски Борче.” изјави градоначалникот на општина Крушево, Томе Христоски.