Земјоделците од Пелагонија најавија блокада на патот Прилеп – Битола
Група незадоволни земјоделци најавуваат блокада на патниот правец Прилеп – Битола во понеделник, на 14 септември.
Според писменото известување доставено до надлежните институции, блокадата ќе започне во 10 часот, а ќе трае еден час. Земјоделците од Пелагонискиот регион со блокадата ќе го изразат своето незадоволство.
На протестот се очекува присуство на околу 500 луѓе, а како организатор е наведена група незадоволни земјоделци.
Причините и конкретните барања на земјоделците во доставеното известување не се прецизирани.
