Вечерва – Култура под отворено небо: Кривогаштани домаќин на претставата „Девојките на Марко“
Љубителите на театарот ги очекува несекојдневна културна вечер
Кривогаштани вечерва се претвора во уникатна сцена под отворено небо. Љубителите на сценската уметност ќе имаат можност да уживаат во посебно културно доживување – изведбата на популарната претстава „Девојките на Марко“ во продукција на Народниот театар „Војдан Чернодрински“ од Прилеп.
Настанот започнува во 20:00 часот, а амбиентот е сместен во дворот на реновираното основно училиште во Кривогаштани.
Театарска магија под ѕвездите
Она што ја прави оваа вечер уште позначајна е фактот што претставата за првпат излегува од стандардните театарски сали и се изведува на отворено. Ваквиот формат нуди поинаква атмосфера, каде што публиката директно го доживува актерскиот израз во поирамен и автентичен простор.
„Ја повикуваме целата јавност и љубителите на театарот да бидат дел од оваа културна манифестација и заеднички да уживаме во уметноста под ѕвездите“, порачуваат од Општина Кривогаштани.
