„Силно светнал ден“ – 35 години независна Македонија во Прилеп
На 19 август, Прилеп ќе биде домаќин на големиот музичко-сценски проект, „Силно светнал ден“, со кој ќе бидат одбележани 35 години независност на Република Македонија.
На плоштадот „Методија Андонов-Ченто“ ќе настапат повеќе од 100 македонски уметници, во вечер исполнета со музика што ги поврзува генерациите, песни што се дел од колективното паметење и гласови што ја раскажуваат приказната за Македонија.
Организаторите најавуваат настан посветен на она што нè поврзува – македонската песна, културата, традицијата, љубовта кон татковината и чувството на заедништво.
Прилеп на 19 август ќе биде место каде што ќе се сретнат генерациите, уметниците и публиката од цела Македонија.
📅 19 август 2026
⏰ 20:30 часот
📍 Плоштад „Методија Андонов-Ченто“, Прилеп
„Силно светнал ден“ – вечер за музиката, Македонија и 35 години независност.
