(видео)„Ритамот под кулите“ ги собра сите прилепски рапери на едно место!

Во Центарот за култура „Марко Цепенков“ – Прилеп, на летната сцена, се одржа рап фестивалот „Ритамот под кулите“. Прв музички настан на фестивалот беше промоцијата на новиот албум „Ново Руво“ со 11 песни на Дејви Спиркоски. Специјални гости беа Пука Козметика со Брука бенд, групата „Македонски синови“, како и изведувачи од Охрид. Фестивалот започна во 16:30 часот со цртање на графити, а траеше до полноќ. Една од најинтересните моменти беше заедничкиот настап на прилепскиот рапер Скипи со неговата ќерка, која ја воодушеви публиката со својот хип-хоп танц.

Организаторите изразија надеж дека овој настан ќе прерасне во голем рап фестивал на национално ниво.