Отворен дијалог за приоритетите на Прилеп – започнаа консултациите за Буџетот за 2027 година

Во општинската сала во Прилеп се одржа средба со жителите на урбаните заедници Аличаир, Вишне и Ѓогдере, во рамките на процесот на консултации за подготовка на Буџетот на Општина Прилеп за 2027 година. На средбата присуствуваа градоначалникот Дејан Проданоски, претседателката на Советот на Општина Прилеп и дел од советниците.

Средбата беше посветена на непосредна комуникација со граѓаните, размена на идеи и разгледување на нивните предлози и приоритети, со цел потребите на локалното население да бидат земени предвид при планирањето на општинските финансии за наредната година.

Вклучувањето на граѓаните во подготовката на буџетот претставува важен дел од транспарентното и одговорно управување со јавните средства. Преку ваквите консултации, жителите имаат можност директно да ги посочат предизвиците со кои се соочуваат, да предложат конкретни реш

Учеството на претставниците на локалната самоуправа и на Советот на Општина Прилеп овозможува отворен дијалог за потребите на граѓаните и создава можност нивните предлози да бидат разгледани во рамките на понатамошниот процес на подготовка и донесување на буџетот.

Редовното одржување јавни консултации е значајна практика за унапредување на транспарентноста, отчетноста и довербата меѓу граѓаните и локалната власт. Буџетот не е само финансиски документ, туку инструмент преку кој се утврдуваат развојните насоки на општината, се планираат јавните инвестиции и се одговара на потребите на локалното население.

Консултативниот процес за Буџетот на Општина Прилеп за 2027 година продолжува и во наредниот период, со планирани средби и комуникација со месните и урбаните заедници, граѓанските организации, стопанството и другите релевантни чинители.

Целта е преку отворен, инклузивен и транспарентен процес да се утврдат приоритетите на граѓаните и да се создаде буџет што ќе ги одразува реалните потреби на заедницата и ќе придонесе за рамномерен и одржлив развој на Општина Прилеп.