Најмалите во посета на музејот во Прилеп

Најмладите посетители денеска имаа можност да се запознаат со дел од етнолошкото наследство на Прилеп.

НУ Завод и Музеј – Прилеп ги посетија децата од градинката „Добре Јованоски“, кои ја разгледаа Етнолошката поставка и непосредно се запознаа со предмети и обичаи кои се дел од традицијата на нашиот крај.

Од Заводот и Музејот велат дека ваквите посети овозможуваат најмладите уште од рана возраст да се запознаваат со културното наследство.

Посетата помина во пријатна атмосфера, со интерес од децата за експонатите и приказните што ги носат со себе.