Македонецот Бобан Илиоски нов Европски шампион во кик-бокс

Бобан Илиоски е нов европски шампион во кик-бокс! Македонија повторно има континентален владетел во кик-боксот. Нашиот репрезентативец во финалето на Европското кик бокс првенство за сениори кое се одржува во Атина, Грција, триумфираше против европскиот првак Полјакот Ерик Нивегловски.

Изминатите денови во Атина се одржа ЕП во кик-бокс, а нашиот Бобан Илиоски се враќа дома со нова титула.

Тој на првенството во Грција, извојува 3 победи во три натпревари и вторпат ја освои најпрестижната награда.

Илиоски ја одбрани шампионската титула и златниот медал од пред две години уште еднаш демонстрирајќи дека е еден од најдобрите европски и светски кикбоксери.