Општина Кривогаштани ги повикува граѓаните да учествуваат во креирање на буџетот за 2026
Жители на Општина Кривогаштани, имаат можност активно да учествувате во креирањето на Буџетот на Општина Кривогаштани за 2026 година.
Транспарентноста и учеството на граѓаните во процесите на одлучување не се прашање на избор, туку законска обврска за сите општини, без разлика на нивната големина. Општина Кривогаштани е пример дека и малите локални самоуправи можат доследно да ги применуваат овие принципи во пракса.
Согласно Законот за локална самоуправа и Законот за буџети, општините се должни да обезбедат јавност и вклученост на граѓаните при креирањето на буџетите и носењето на клучни локални одлуки. Во таа насока, Општина Кривогаштани јавно ги повика жителите да достават свои предлози и сугестии за Буџетот за 2026 година.
Граѓаните можат да ги достават своите предлози по електронска пошта или лично во архивата на Општината, во предвидениот рок. Ваквиот повик претставува конкретна примена на законските одредби, но и показател за подготвеност на локалната власт да ги слушне потребите на заедницата.
- 📧 по електронска пошта на: opstina_krivogastani@yahoo.com
- 🏢 лично, во архивата на Општина Кривогаштани, најдоцна до 26.12.2025 година
Вклучувањето на јавноста во буџетското планирање придонесува кон зголемување на отчетноста, подобро планирање на јавните средства и јакнење на довербата меѓу граѓаните и институциите. Практиката покажува дека кога граѓаните се активен дел од процесот, резултатите се поквалитетни и покорисни за локалната заедница.
Примерот на Кривогаштани потврдува дека транспарентноста не зависи од финансиската моќ или административниот капацитет, туку од почитувањето на законите и одговорниот однос кон јавниот интерес. Ваквите чекори се важен сигнал дека и малите општини можат да бидат пример за добро и отворено локално владеење.
