Нов директор на „Комуналец“ – Љубиша Јованоски ја презема функцијата
На чело на Јавното комунално претпријатие „Комуналец“ – Прилеп е именуван нов директор.
Станува збор за Љубиша Јованоски, дипломиран економист, кој ја презема функцијата со јасна цел – унапредување на ефикасноста во работењето, воведување позитивни промени и подобрување на квалитетот на услугите што претпријатието им ги обезбедува на граѓаните.
Од новото раководство се очекува одговорно, транспарентно и посветено управување, насочено кон решавање на долгогодишните предизвици и работење во интерес на сите прилепчани.
