Иницијатива и Млади – Добитна Комбинација

Градот Крушево оваа година ќе биде разубавен на поинаков начин. Посетителите ќе имаат можност да уживаат во новогодишните украси изработени од страна на млади волонтери.

Украсувањето на Крушево од страна на млади волонтери, по повод Новата Година е помогнато од Општината, во соработка со граѓанска организација, а секако на радост на младите ентузијасти, кои немаат големи можности за вистински јавен ангажман, а овде токму, тоа се нуди и тоа е за секоја пофалба.

Оваа активност ги носи младите на полето на ангажираната уметност, им ја инспирира креативноста, чувството за јавна одговорност, но и за припадност и ја приближува општината до нивните срца, за да ја чувствуваат како своја.а. Младинското волонтерство треба да се инспирира на сите можни начини, ако не друго, барем заради нивното чувство за општествена корисност, нешто што и тоа како недостасува во Македонија.

Би сакале ваквите активности да станат инспирација за институциите, општините, граѓанските организации и деловниот сектор, да не се плашат да ги поддржат во организирацијата ваквите младински активности, затоа што резултатите се секогаш добри и далеку го надминуваат вложеното, на корист на целокупните заедници.

Едноставно е: Овозможи им на младите активизам – низ обезбедување основни услови и материјали за работа, а тие тоа ќе го прифатат и ќе вратат далеку повеќе на заедницата, отколку што таа вложила во сето тоа. Затоа, ваквите идеи треба да се споделиваат, одлично вредни волонтери, градоначалниче, продолжете така!

Останува да се посети Крушево и да уживаме во изработените дела!