Чупетрески: Пред 35 години, Прилеп беше град, сега не е ни предградие
Денес е денот на вистинската демократија, денес за прв пат гласот на граѓанинот се слуша надвор од партиските кругови. Се осмеливме и излеговме да го кажеме нашето граѓанско незадоволство за досегашното 35 годишно владеење на овие политички системи, кои покажаа дека основна цел се нивните интереси. За разлика од сето тоа граѓанинот е маргинализиран, граѓанинот е злоупотребен и сведоци сме на едно тотално тонење на Прилеп, истакна Борче Чупетрески, независен кандидат за градоначалник.
- Време е Прилеп да влезе во 21. век – век на дигитализација, информатика, развој и прогрес.
- Општината треба да биде отворена за граѓаните, да ги слуша нивните проблеми и потреби.
- Прв приоритет: решавање на проблемите со ѓубре, улични кучиња и хигиена.
- Изградба на нови паркинг простори и паркинг-плацови, вклучувајќи затворени на речното корито.
- Поплочување на речното корито.
- Подобрување на безбедноста во градот.
- Формирање на Фонд за млади (22–32 години).
