|

Гимназија „Мирче Ацев“ Прилеп – 80 години настава на македонски јазик

Hours

Гимназијата „Мирче Ацев“ Прилеп, одбелува значаен јубилеј – 80 години од започнувањето на наставата на македонски јазик, формирањето на наставничкиот совет и одржувањето на првиот училишен час. На 1 февруари 1935 година, учениците првпат влегле во оваа значајна образовна институција.

Токму оваа гимназија денес е една од најпочитуваните и најреномираните средни образовни институции во Македонија. Името на училиштето го носи народниот херој Мирче Ацев, а од овде произлегле многу македонски интелектуалци и дејци, како Круме Кепески, автор на првата граматика за македонски јазик, Блаже Конески, кодификатор на македонскиот јазик.

Во овие 80 години, Гимназијата „Мирче Ацев“ има образувано повеќе од 14.000 ученици и вработено над 300 наставници. Оваа образовна институција е столб на македонското образование, а нејзините ученици и професори оставиле траен печат во сите области на општествениот живот.

„Одбележувањето на овој јубилеј е потврда на посветеност на образованието и традицијата што ја негува Гимназијата „Мирче Ацев“.

Гимназијата со работа започнала на 30 јануари 1945 год. кога се одржал првиот наставнички совет под раководство на првиот директор по ослободувањето, Стеван Шапчески – професор. Советот решил за име на Гимназијата да се предложат имињата Мирче Ацев и Пере Тошев, а од Народнослободителниот одбор прифатен бил предлогот Гимназијата да го носи името на нашиот сограѓанин Мирче Ацев- народен херој. На 1 февруари 1945 год. започнува да се изведува наставата во старата училишна зграда на сегашното основно училиште „Кочо Рацин“.

Ставан Шапчевски првиот директор на гимназијата „Мирче Ацев“ по ослободувањето.

Во првата учебна година Гимназијата започнала да работи како Полна гимназија (I-VIII) клас, а наставата се изведувала според наставен план и програма на мајчин – македонски јазик. Поради зголемениот број на запишани ученици во наредните учебни години се почуствувало недостиг на училиштен простор, така што во април 1947 година, започнала изградбата на нова гимназиска зграда во „Тризла Маало“ наспроти „Тутунски Комбинат“ и за две години, поточно во второто полугодие од учебната 1949/50 година Полната Гимназија „Мирче Ацев“ била преместена во новата зграда – каде што и денес се наоѓа, со 31 просторија за изведување на настава, фискултурна сала, спортски игралишта, канцелариски и други простории.

Прва генерација матуранти во Гимназијата Мирче Ацев.
Зградата на Гимназијата „Мирче Ацев“ Прилеп. (фотографија од 2012 год.)

Во учебната 1953/54 година настанале нови организационо-структурални промени во гимназијата, така што останале само вишите класови, а нижите и прогимназиите се слеани во основните осумгодишни училишта. Името Виша Гимназија го носела до учебната 1957/58 година, за потоа да стане 4 класно училиште за општо образование – гимназија.

Во 1959 година било извршено измена на наставните планови и програма од страна на Советот за просвета на НРМ. Со тие промени Гимназијата на младинците од 15-19 години им давала сигурни, широко стручни и научни знаења од областа на јазикот и литературата, другите општествени науки, од техниката и културата и др., со цел да ги подготви учениците со предзнаења за да можат успешно да ја следат наставата на Универзитет. Со цел да се изврши благовремена професионална ориентација на младите луѓе-гимназијалци, била воведена нова организација во наставата, односно реформирана четврто-класна Гимназија (I, II, III и IV клас) поделена во две насоки: општествено-јазична и природно-математичка.

Гимназијата „Мирче Ацев“ во учебната 1983/84 година се трансформирала во Училишен центар за општествено-техничка и медицинска насока, со 920 ученици од гимназијата „Мирче Ацев“ сместеми во 29 парарелки и 58 вработени и Медицинско училиште со 350 ученици во 10 паралелки и 17 вработени. Тогаш уписот за прва година се вршел по изборна програма, според следните струки и занимања:

  • просветна струка – соработник во воспитно образовна дејност,
  • културолошка струка – културолошки техничар,
  • математичко-информатичка струка – информатички техничар,
  • градежна струка – хидроградежен техничар,
  • здравствена струка – акушерка, педијатриска сестра, медицинска сестра, лаборантски техничар,
  • биотехничка струка- битехничар.

Воведувањето на новиот концепт на насочено образование и неговите промени во наредните години, веројатно не ги даде очекуваните резултати, така што во 1993 година Училишниот центар за општествено-техничка и медицинска насока „Мирче Ацев“, преминува во Гимназија „Мирче Ацев“ со паралелки за општа и природно-математичка гимназија, во согласност со промената на Законот за насочено образование.

Од учебната 2001/2002 год. во Гимназија „Мирче Ацев“ се применува новиот Наставен план за гимназиско образование што е донесен на ниво на Република Македонија.

Фото и податоци – Википедија

Слични Објави