2 Сообраќајки за само 2 недели (ФОТО И ВИДЕО)

Жителите на населба „Кузман-Рид“ почнаа со собирање потписи за покренување на петиција за поставување на лежечки полицајци на улицата „Мечкин Камен“, поради зачестените сообраќајни незгоди во последните денови. Во рок од само две недели, на оваа улица се случија две сообраќајки, што предизвика загриженост кај граѓаните за нивната безбедност.

Според локалните жители, оваа улица е многу фреквентна, а возачите често ја надминуваат дозволената брзина, загрозувајќи ги пешаците, особено децата, постарите лица и велосипедистите. Токму затоа, тие ќе бараат од Општината итно да преземи мерки и да се постават соодветни пречки за намалување на брзината,односно лежечки полицајци.