|

(видео) Познати добитниците на општинските награди „3-ти Ноември“ во Прилеп

Hours

Комисијата за одбележување значајни настани, личности и празници при Општина Прилеп ги соопшти добитниците на традиционалните општински награди и признанија што се доделуваат по повод празникот „3-ти Ноември“ – Денот на ослободувањето на Прилеп.



Награда за животно дело

Високото признание „Животно дело“ годинава им се доделува на:

  • Рубенс Корубин, основоположник на неоромантизмот во светски рамки;
  • Јове Мадгески (постхумно), за особен придонес во развојот на прилепскиот фудбал.

Награди – плакети

По повод празникот, плакети се доделуваат на:

  • МИКРОСАМ Прилеп – по повод 35 години успешно постоење и технолошки развој;
  • Народен театар „Војдан Чернодрински“ – Прилеп – за јубилејни 75 години постоење;
  • НВО „Hand Till Hand“ од Кралството Шведска – за хуман и општествен ангажман во здравствената заштита;
  • Интеракт клуб Гимназија „Мирче Ацев“ – Прилеп – за промовирање на солидарноста и хуманоста кај младите;
  • Извиднички одред „Феникс“ – по повод јубилејни 10 години активна работа и граѓански ангажман.

Награда – диплома

:

  • Елизабета Митреска – за особен придонес во новинарството
  • Петре Кироваков – поет и активист во Здружението за протерани макеонци од егејскиот дел на Македонија
  • д-р Биљана Консулоска Гвероска – автор на научни публикации од областа на земјоделството, акроекологијата и тутунопроизводството
  • Владимир Ѓорѓиески – репрезентативец на Македонија во билијард

Одлуката за доделување на наградите е донесена на седница на Комисијата за одбележување значајни настани, личности и празници, одржана на 27 октомври 2025 година.

Слични Објави