Чествување на 2 Август, Ден на Републиката и Илинден – ПРОГРАМА 2024

Под слоганот „Борбата трае”, годинава, се одбележува 2-ри Август- Денот на Републиката – Илинден.

По повод чествувањето на денот, кога славиме 121 години од започнувањето на Илинденското востание, прогласувањето на Крушевската Република и Денот кога пред 80 години е одржано Првото заседание на АСНОМ и воспоставувањето на нашата државност, ќе се одржат низа настани.

Во продолжение програмата, која Градоначалникот на Општина Крушево и претседател на здружението ,,10 Дена Крушевска Република”, м-р Томе Христоски, ја објави на својот ФБ профил.

31 јули

18:30 – Пречекување на коњаницата пред столбот на Крушевската Република

01 август

18:00-18:45 – Доаѓање на коњаницата пред столбот на Крушевската Република

Формирање на поворка

19:00 – 19:45 – Положување на цвеќе:

• пред бистата на Веле Марков;

• на гробот на Питу Гули;

• на гробот на Тоше Проески.

• пред споменикот на партизанските гробишта

• Криптата на илинденските востаници

20:00 – 21:30 – Церемонијално отворање на Манифестацијата „Десет дена Крушевска Република“ 2024

• Интонирање на химната

• Читање на Крушевскиот Манифест

• Церемонија на подигање на бајракот на Крушевската Република

• Обраќање на градоначалникот на Општина Крушево и претседател на здружението ,,10 Дена Крушевска Република”, м-р Томе Христоски

• Обраќање на министерот за култура, г-дин Зоран Љутков

• Пукање со црешово топче

• Огномет

22:00 – Настап на „Танец“

23:00 – Настап нa Некс Тајм

00:00 – Импровизиран напад на градот

Борбата продолжува, да го почитуваме и одбележиме националниот празник Илинден на еден достоинствен начин, затоа што сите сме деца на Илинден!!!