Обвинителствата се засилуваат – Советот на јавни обвинители утре ќе избира 47 обвинители
Советот на јавните обвинители на Република Северна Македонија на утрешната 20. седница, со почеток во 10:30 часот, ќе избира вкупно 47 јавни обвинители во 18 основни јавни обвинителства низ државата.
Најмногу обвинители – 14, ќе бидат избрани во Основното јавно обвинителство Скопје.
Во Пелагонискиот регион, кадровско засилување ќе добијат обвинителствата во Прилеп каде што ќе бидат избрани тројца, Битола, двајца нови обвинители, Ресен, каде што ќе биде избран еден обвинител.
По еден обвинител ќе се избира и во Велес, Делчево, Кочани, Крива Паланка, Радовиш и Струга. По двајца нови обвинители ќе добијат и Гевгелија, Гостивар, Кичево и Струмица.
Во Куманово, Охрид и Штип ќе бидат избрани по тројца обвинители, додека Тетово ќе добие четворица нови обвинители.
