Ќе се реставрира црквата „Успение на Пресвета Богородица“ – Трескавец (видео)
Денес во посета на Прилеп беше министерот за култура и туризам Зоран Љутков. Тој ги посети храмот Св. Благовештение, локалитет „Стибера“ и Манастирот „Трескавец“. Три исклучително важни културно-историски споменици за Прилеп, па и Македонија.
Во манстирот се обновени конаците и монасите се веќе вратени, а во тек е реставрација на црквата Св.Богородица.
Реставрацијата на црквата се работи во соработка со НУ Завод и Mузеj – Прилеп, Европскиот центар за византиски и пост-византиски период, Завод и Музеј – Битола и градежениот факултет во Скопје.
2 100 000 денари се оделени за зајакнување на носечката контрукција на иконастасот и конзервација и реставрација на резбата. Активностите треба да завршат до крајот на годината.
Денес се одржа и состанок на министерот со директорката на НУЦК „Марко Цепенков“ на кој се направил план за оспособување на двете сцени во Прилеп и пуштање на употреба до почетокот на годинешното издание на МТФ „Војдан Чернодрински“.
