Еурофарм Пелистер повторно шампион
ЕУРОФАРМ ПЕЛИСТЕР СЛАВИ ТРЕТА ШАМПИОНСКА ТИТУЛА ВО СУПЕРЛИГА
Ракометарите на Еурофарм Пелистер ја обезбедија третата по ред шампионска титула во Суперлигата, откако го победија Вардар 1961 со резултат 30-32 (17-15). Натпреварот се одвиваше во СЦ „Јане Сандански“ и беше решен во последните минути, кога битолчани успеаја да ја задржат предноста и да ја одбранат шампионската титула.
Ова е третата титула за Еурофарм Пелистер во последните години, што ја потврдува нивната стабилност и конзистентност во највисоките ракометни кругови на Македонија.
Градоначалникот на Општина Битола, Тони Коњановски, упати честитки до шампионите и ги повика сите битолчани, посебно верните навивачи Чкембари, на голема прослава. Настанот ќе се одржи утревечер, на 8 јуни 2025 година, од 20:00 часот, на Платото пред Офицерскиот дом.
„Горд сум што Битола повторно е домаќин на еден од најдобрите ракометни клубови во земјата. Ова е голем успех за сите нас“, изјави Коњановски.
На следната седница на Советот на Општина Битола ќе се разгледа предлог за награда од 3 милиони денари за клубот, како признание за постигнатиот успех и значајниот придонес за промоција на градот.
