Бесплатни прегледи за вработените мажи во Витаминка

Во рамките на својата континуирана грижа за здравјето на вработените, компанијата Витаминка организира бесплатни специјалистички прегледи за околу 300 мажи кои работат во компанијата. Прегледите се спроведуваат на доброволна основа и започнаа во декември 2024 година, а ќе траат до крајот на март 2025. За оваа намена, компанијата има склучено договор со приватна здравствена установа во Прилеп.

Прегледите вклучуваат ехо на абдомен, кој обфатува бубрези, црн дроб, простата, жолчно кесе, панкреас, слезина и абдоминална аорта. Витаминка со оваа активност уште еднаш покажува дека здравјето на вработените е на прво место и поттикнува поголема свесност за потребата од редовни прегледи.

„Искуствата покажуваат дека кога компанијата дава приоритет на здравјето, безбедноста и благосостојбата на вработените, бенефит има самата компанија, но многу поважен е бенефитот за вработените. На овој начин кај вработените се поттикнува свесност за грижа за сопственото здравјето и се создава култура на редовни прегледи. Грижата за вработените не треба да се сведува само на унапредување на нивниот придонес за компанијата, туку и за нив самите. Ние во Витаминка ставаме приоритет на здравјето на сите наши вработени со цел да создадеме здрава и продуктивна  работна средина и да ги поттикнеме вработените да вршат редовни здравствени прегледи“, велат од Витаминка.

Витаминка континуирано се грижи за здравјето и добросостојбата на своите вработени со редовно организирање на разни специјалистички прегледи, кои неретко се спроведуваат и во самата компанија. Прегледите за рак на дојка се организираат два пати годишно, ехо-прегледи на дојка и тироидна жлезда, анализа на витаминско-минерален статус за вработените а отсега и специјалисти прегледи за мажи.