Општина Прилеп ги повика спортски клубови, здруженија и фондации за потпишување на договори од 29 јуни до 1 јули

Општина Прилеп ги известува сите спортски клубови, здруженија и фондации, кои аплицираа на Јавниот Повик бр.01/2026 за распределба на финансиски средства од Буџетот на Општина Прилеп за 2026 година, наменети за финансирање на спортски клубови, професионални спортски клубови, здруженија и фондации во областа на спортот, културниот и општествениот живот, дека од 29.06.2026 година (понеделник) до 01.07.2026 година (среда), од 09:00 до 15:00 часот, потребно е да дојдат во Приемното одделение на Општина Прилеп, за потпишување на договорите.

Се замолуваат претставниците, управители/овластени претставници на клубовите и здруженијата, при потпишувањето задолжително да носат печат од здружението или спортскиот клуб.

Општина Прилеп апелира навремено да се извршат потребните обврски во предвидениот рок.