Развој на индустриската зона во Новаци – клучна тема на средбата со Светска банка
Денес во општина Новаци се одржа работна средба на која градоначалникот Стевче Стевановски се сретна со високи претставници на Светска банка и експерти од областа на економијата и инфраструктурниот развој.
На состанокот присуствуваа Zhihua Douglas Zeng, виш економист во Светска банка, Татјана Марковска, специјалист за приватен сектор во Светска банка, како и Симон Аврамовски, експерт за економски развој. Централна тема на разговорот беше изградбата на Индустриската зона во Новаци, како и можните извори за финансирање на дел од нејзината инфраструктура.
Беа презентирани можностите за поддршка на проектот преку различни финансиски механизми и потенцијални инвестициски фондови. Од страна на општината беше истакната важноста на индустриската зона како клучен двигател за економскиот развој во регионот, создавање нови работни места и привлекување домашни и странски инвеститори.
