Прилеп подготвен за „Прочка Ебаго 2“
Во недела, 2 март, Прилеп ќе биде домаќин на второто издание на културно-музичкиот настан „Прочка Ебаго“, што ќе се одржи во НУЦК „Марко Цепенков“. Настанот нуди богата целодневна програма исполнета со музика, уметност и независна продукција.
Рок и електронска музика во живо
Вечерната програма е резервирана за љубителите на рокенролот, а на сцената ќе настапат неколку познати и нови бендови:
- „Паркети“ – битолските панк ветерани кои ќе настапат со препознатливата заразна енергија и нивните најголеми хитови.
- „Vagina Corporation“ – скопски алтернативен состав кој ќе понуди уникатен и енергичен настап.
- „Diattic“ – новоформиран бенд кој ќе донесе свеж звук и нова енергија на сцената.
Во текот на денот, љубителите на електронската музика ќе можат да уживаат во сетовите на локалните диџеи:
- Frisson – минимал техно сет
- James – стандарден техно звук
- Pipe и Neo – колаборациски диџеј сет
ФИЈУК Саем со независни уметници
Покрај музичкиот дел, посетителите ќе имаат можност да бидат дел од „ФИЈУК Саем“ – платформа за независна уметничка продукција. Организаторите од „Партизанска штампа“ најавуваат дека годинава саемот ќе биде отворен во маскиран дух, инспириран од традицијата на Прочка.
Меѓу излагачите ќе бидат: Арт Еквилибриум, Мртов коњ, Корн, Партизанска штампа, Longest Night, Матријаршија, Матеј Богдановски, Јелена Белиќ, Плукни залепи, Дона Илијевска, Сара Богоева, Спознавање, Gosi Etc, Boiling Point, Емилија Трајкоска, Владимир Лукаш, Кети Талевска Бакревска, Симона Мирческа, Елена Абрасоска, Ѓорѓи Митревски и Симеон Анѓелкоски.
Организатор на „Прочка Ебаго“ е здружението „Менза“, кое најавува дека ова издание ќе донесе уште побогата програма и уникатно искуство за посетителите.
