Општина Новаци донира опрема за кабинетот за практична настава во Средното медицинско училиште „Д-р Јован Калаузи“
Општина Новаци донираше современа опрема за кабинетот за практична настава во Средното медицинско училиште „Д-р Јован Калаузи“ во Битола. Донацијата, која вклучува терапевтски маси, рачни динамометри и други специјализирани уреди, ќе им помогне на учениците на образовниот профил физиотерапевтски техничар да стекнат практично искуство и да се подготват за својата професионална кариера.
Градоначалникот на Општина Новаци, г. Стевановски, истакна дека оваа донација е дел од општинските заложби за унапредување на образовниот процес и поддршка на здравствениот сектор. „Со оваа инвестиција во образованието, Општина Новаци продолжува да се грижи за идните генерации и да создава подобри услови за нивно едуцирање и професионално усовршување“, изјави Стевановски.
Опремата ќе им овозможи на учениците да се стекнат со современи вештини и да ги подобрат своите практични знаења, што ќе биде од клучно значење за нивната подготвеност за работа во здравствените установи.
Општина Новаци, преку оваа донација, потврдува својата посветеност на развојот на образованието и здравството, и продолжува да вложува во подобрување на условите за учење и работа за младите.
