Градоначалникот на Општина Крушево, г. Нако Чонески, оствари официјална средба со градоначалникот на Општина Долнени, г. Блерим Ислами, на која беше разговарано за унапредување на меѓуопштинската соработка и заедничко делување во интерес на граѓаните.

На средбата фокусот беше ставен на размена на искуства, координација на активности и можностите за реализација на заеднички проекти во повеќе области, со цел поттикнување на локалниот развој и подобрување на јавните услуги.

Двајцата градоначалници ја нагласија важноста на заедничката соработка помеѓу општините, особено помалите, како клучен механизам за надминување на ограничените ресурси, поефикасно користење на капацитетите и обезбедување поквалитетни услуги за граѓаните.

Тие исто така ја истакнаа потребата од континуиран институционален дијалог, како основа за поефикасно решавање на заедничките предизвици, и изразија подготвеност за интензивирање на соработката во наредниот период, особено во делот на инфраструктурата, туризмот и регионалниот развој.

Средбата беше оценета како значаен чекор кон градење посилни партнерства меѓу локалните самоуправи и креирање политики кои директно ќе придонесат за подобар квалитет на живот на граѓаните во двете општини.