ОД ПОЛНОЌ ГОЛЕМО НАМАЛУВАЊЕ НА ЦЕНИТЕ НА ГОРИВАТА
БЕНЗИНИТЕ ПОЕВТИНУВААТ ЗА 7, А ДИЗЕЛОТ ЗА 5,5 ДЕНАРИ
Регулаторната комисија за енергетика донесе одлука за значително намалување на малопродажните цени на нафтените деривати, кое стапува на сила од вечерва на полноќ.
Според новите цени, бензините ЕУРОСУПЕР-95 и ЕУРОСУПЕР-98 поевтинуваат за 7 денари по литар. Така, литар ЕУРОСУПЕР-95 ќе се продава по цена од 86 денари, додека ЕУРОСУПЕР-98 ќе чини 88 денари.
Намалување има и кај дизел-горивото, чија цена се намалува за 5,5 денари по литар, односно еден литар ЕУРОДИЗЕЛ ќе чини 94,5 денари.
Со оваа одлука, цените на нафтените деривати бележат просечно намалување од 7,51 отсто.
Новите цени ќе важат од полноќ, па возачите од утре ќе полнат гориво по пониски цени.
