Заврши турнирот во табла „Прилеп Ебагo 2026“
Во одлична атмосфера и со голем број учесници, успешно заврши турнирот во табла „Прилеп Ебагo 2026“, во организација на Ебаго Таблаџии и MyPlace Prilep, а со поддршка на Општина Прилеп.
Организаторите упатија благодарност до сите учесници кои беа дел од турнирот и придонесоа за неговата успешна реализација, истакнувајќи дека ваквите настани ја поттикнуваат дружбата, спортскиот дух и популаризацијата на таблата во Прилеп.
По неизвесни и интересни партии, најдобрите тројца учесници на турнирот беа:
🥇 Прво место – Кире Тутески
🥈 Второ место – Горан Базеркоски
🥉 Трето место – Здравко Михов
Организаторите најавуваат дека и во иднина ќе продолжат со организирање на вакви настани, со цел таблата да остане еден од омилените начини за дружење и натпреварување меѓу прилепчани.
