Од ЈКП „Комуналец“ информираат дека се при крај активностите за косење на тревата во коритото на Градската река, со што значително се уредува овој јавен простор и се подобрува неговиот изглед и функционалност.

Паралелно со овие активности, од денеска со дополнителна екипа косачи започна и второто косење на Новите градски гробишта. Од претпријатието посочуваат дека се работи со засилена динамика за да се опфатат сите локации кои се во нивна надлежност.

И покрај врнежливото време во изминатиот период и изгубените работни часови, како и брзата вегетација која дополнително ја отежнува работата, од „Комуналец“ уверуваат дека активностите се одвиваат континуирано и во полн капацитет.