На денешен ден: Прв пат е изведена „Денес над Македонија“
На дочекот на Новата 1942 година, во услови на окупација и тишина, во Струга, во куќата на Сотир Шута, за првпат е изведена песната „Денес над Македонија“, дело на Владо Малески, со музика на Тодор Скалоски.
Песната била отпеана во тесен круг на македонски родољуби и млади активисти, како симбол на отпор, надеж и вера во слободата. Во време кога зборот „Македонија“ бил забрануван, таа песна храбро го најавила раѓањето на новото сонце.
Подоцна, „Денес над Македонија“ ќе стане државна химна, но нејзиното вистинско раѓање било токму тогаш – во една струшка куќа, меѓу луѓе што сонуваа слобода.
