КК „БОНСАИ“ ПРИЛЕП – 18 МЕДАЛИ И ДВА ПЕХАРИ ВО ЦРНА ГОРА
Карате клубот „Бонсаи“ Прилеп забележа одличен меѓународен успех на масовниот турнир „Бар Опен 2025“, кој се одржа во градот Бар, Црна Гора, во периодот од 22 до 23 ноември. На турнирот учествуваа стотици натпреварувачи од повеќе земји, а прилепскиот клуб настапи со вкупно седум каратисти во дисциплините кати и борби.
Нашите претставници се враќаат дома со импресивни 18 медали и два пехари, потврдувајќи ја успешната работа и континуираниот напредок на клубот.
Честитки до сите натпреварувачи за постигнатите резултати и на тренерскиот тим за вложената работа и поддршка. КК „Бoнсаи“ уште еднаш го потврди своето место меѓу најуспешните карате клубови од Прилеп и Македонија.
