Во среда започнува 16 издание на Битолското културно лето „БИТ ФЕСТ“
На нова локација, во нов амбиент, со спектакуларен настан и големи музички ѕвезди, започнува 16 издание на Битолското културно лето „БИТ ФЕСТ“. Подготовките се во полн ек, а изведувачите најавуваат незаборавна „Симфонија на ѕвездите“ на Стадионoт „Петар Милошевски“ за почеток на ова издание на културното лето.
За првпат, Стадионот „Петар Милошевски“ во Битола, на отворањето на БИТ ФЕСТ 2024 ќе биде домаќин на спектакуларен настан кој ќе се одржи на 3 јули 2024 година, со почеток од 19 часот.
Годинава, „БИТ ФЕСТ“, ја задржува својата оригинална форма на поддршка на квалитетни и традиционални настани, кои ги отсликуваат културните вредности на Битола. Стои во соопштението од Општина Битола
Насловна – официјалниот плакат на „БИТ ФЕСТ 2024“, подготвен од Сашо Илковски.
