„ВИДУВАЊЕ“ НАЈНОВАТА ИЗЛОЖБА НА АНИТА ЈОВЕСКА СОТ
Утре 27. Септември, Петок, во ликовната галерија при НУЦК„Марко Цепенков“-Прилеп, академската сликарка Анита Јовеска Сот ќе ја постави својата изложба со наслов „Видување“.
„Обликувајќи ги комплексните форми креирани со помош на динамични контурни линии и интензивни вибрантни бои академската уметничка Анита Јовеска со впечатлива експресија визуелно ги изразува личните индивидуални внатрешни импресии врз лицата на портретираните ликови. Преку внимателно селектирани хроматски и ахроматски скали авторката визуелно манифестира таинствени колоритни амбиенти со сензитивна изразна величина. Врз јадрите и доминантни ликови се рефлектираат длабоки лични и супстанцијални чувствени пулсирања. Портретот за уметничката претставува можност за пронаоѓање начини за инвентивна и автентична манифестација на неговите физички и емотивни својства, со комбинирање и слободна креативна игра на разновидни ликовни елементи. – м-р Викторија Димеска, историчар на уметност
Анита Јовеска Сот е родена 1986 година во Прилеп. Во својот роден град завршила основно и средно образование- гимназија. Националната ликовна академија во Софија, Бугарија е местото каде што дипломирала, отсек- Плакат и визуелни комуникации. во 2008год. Денес живее во Македонија, работејќи како професор по ликовна уметност.
Како академски сликар, Анита Сот сопствените дела ги изработува во mixed media, односно мешани медиуми, вклучувајќи многу матријали . Трагајќи по свој сопствен ликовен јазик и идентитет, таа често истражува во доменот на различните сликарски техники.
Има изложувано на повеќе самостојни и групни изложби во Македонија и во Бугарија.Учествувала во повеќе групни изложби во Софија, Прилеп,Скопје, Битола и други, како и на неколку ликовни колонии во земјава и пошироко.
- Самостојни изложби:
- 2008 година – Софија; изложба на плакати на тема „Театрален плакат според Шекспир“, Галерија „Академија“.
- 2010 година – „Годишна изложба на ДЛУП Прилеп“
- 2011 година – „Годишна изложба на ДЛУП Прилеп“
- 2012 година – „Годишна изложба на ДЛУП Прилеп“
- 2013 година – „Годишна изложба на ДЛУП Прилеп“
- 2014 година – „Годишна изложба на ДЛУП Прилеп“
- 2014 година – „Годишна изложба на ДЛУБ Битола“
- 2015 година – „Годишна изложба на ДЛУП Прилеп“
- 2016 година – „Годишна изложба на ДЛУП Прилеп“
- 2017 година – „Годишна изложба на ДЛУП Прилеп“
- 2018 година – „Традицијата е код, традицијата е течение“
- 2018 година – „Everglow“ , Прилеп
- 2022 година – „Годишна изложба на ДЛУП Прилеп“
- 2022година – „Encounter“ Повторна средба, Прилеп и Кавадарци
- 2023 година – Групна изложба,”Под нулата”, Прилеп
- 2023 година – Меѓународна ликовна колонија, Михајлово, Кавадарци
